miércoles, 19 de enero de 2022

Los conciertos didácticos para escolares regresan a la OSG tras casi dos años de pandemia


 

La Sinfónica de Galicia retoma su programación didáctica desde mañana jueves, 20 de enero, con el regreso de los conciertos para escolares, las sesiones públicas de los Conciertos en Familia y la asistencia a los ensayos generales de la OSG, todo ello tras prácticamente dos años sin actividad por las cancelaciones y restricciones impuestas por la pandemia del COVID 19.

En la nueva programación didáctica para la actual temporada se ofrecerán cuatro programas diferentes con un total de 44 conciertos para escolares y cuatro conciertos en familia a los que se sumarán la asistencia de estudiantes a cuatro ensayos generales de conciertos de abono de la propia OSG.

Con Vaia Circo!, a cargo de la agrupación ODAIKO, arrancan las dos primeras semanas de didácticos en las que, del 20 al 28 de enero, se ofrecerán un total de catorce sesiones que culminan el sábado 29 de enero con un concierto en familia a las 12 horas en el Palacio de la Ópera de A Coruña. Este primer programa musical está orientado a estudiantes de primer ciclo de Primaria.

Del 16 al 24 de febrero se ofrecerán las 14 sesiones del programa La vuelta al mundo en menos de una hora, de ARTESTUDIO y recomendado para Educación Infantil que también tendrá Concierto en Familia, programado para el 19 de febrero a las 12h.

El ROLLIN CLARINET BAND ofrecerá a estudiantes de Secundaria y Bachillerato el programa didáctico Flamenco, Classic, Swing y las ganas de vivir del que ofrecerán un total de 10 sesiones del 21 al 25 de marzo con Concierto en Familia el 26 de marzo.

Finalmente, la Orquesta Sinfónica de Galicia bajo la dirección de Frans-Aert Burghgraef ofrecerá seis sesiones de El viaje de Walt, un repaso a las más grandes películas de la historia de la animación y que se cerrará con un Concierto en Familia el viernes 13 de mayo a las 20h.

Las entradas para los Conciertos en Familia ya están disponibles en entradas.abanca.com

martes, 4 de enero de 2022

Tanxugueiras regresa o 26 de marzo aos escenarios coa presentación da Xira Midas, que incorpora temas como Terra ou Figa


O concerto terá lugar o sábado 26 de marzo, a partir das 21.00 horas, na Coruña, na Sala Pelícano, e as entradas sairán á venda este mércores 5 de xaneiro no sitio web oficial do grupo, www.tanxugueiras.gal, e na plataforma Enterticket

4 de xaneiro de 2022.- Arranca a Xira Midas. O vindeiro 26 de marzo, Tanxugueiras presentará na Coruña o seu novo directo, unha proposta vibrante na que o trío de pandeireteiras presenta a nova sonoridade do grupo e que incorpora a interpretación, ao vivo, dos novos sinxelos do grupo, como Terra, Figa, Telo ou Midas.

A presentación da Xira Midas terá lugar o sábado 26 de marzo na Sala Pelícano da Coruña. A cita comezará ás 22.00 horas, mais a apertura de portas será unha hora antes. As entradas para o concerto de presentación sairán á venda este mércores 5 de xaneiro, a partir das 12.00 horas, na plataforma Enterticket, á que se poderá acceder desde o sitio web oficial do grupo, www.tanxugueiras.gal. Os billetes estarán á disposición do público desde 15 euros (máis gastos de xestión) e as persoas menores de 16 anos que desexen acudir ao concerto deberán facelo acompañadas da nai, pai ou titora legal.

O concerto da Coruña supón a presentación ao vivo da Xira Midas e, polo tanto, do vindeiro traballo de Sabela Maneiro, Aida Tarrío e Olaia Maneiro, un álbum que se publicará este 2022 e no que o grupo segue a reformular a música tradicional desde unha óptica contemporánea, que está a sorprender en todo o territorio estatal grazas ao seu último tema, Terra, co cal as cantareiras participarán no Benidorm Fest neste mes de xaneiro. A iniciativa gañadora deste certame, promovido por RTVE, participará en Eurovisión o próximo mes de maio.

Cifras históricas para a música en galego

No seu primeiro día de publicación, o 21 de decembro, Terra superou as 500.000 reproducións no conxunto de plataformas. Á semana, o tema sumaba máis dun millón de visualizacións en Youtube -ocupando os sete días os primeiros postos na lista de tendencias musicais- e máis de 500.000 en Spotify. O mesmo día, o 28 de decembro, outro dos últimos sinxelos das cantareiras, Figa, tamén acadaba o millón de visualizacións en Youtube.

lunes, 3 de enero de 2022

A Cabalgata de Reis 2022 sairá do barrio dos Mallos rumbo a María Pita, cun percorrido dinámico de dúas horas e media de duración


 

A comitiva partirá desde o aparcadoiro da Sardiñeira este mércores, 5 de xaneiro, ás 18.00 horas, e pasará por Catro Camiños, Os Cantóns e a Mariña

Un total de 15 carrozas, 4 trens e 14 compañías artísticas animarán a pé de rúa, con 180 figurantes. O uso de máscara será obrigatorio en todo momento e recordarase periodicamente por megafonía

A Coruña, 3 de xaneiro de 2022.- A Cabalgata de Reis deste ano, cun percorrido único de tres quilómetros e dúas horas e media de duración, sairá este mércores 5 de xaneiro (18.00 horas) desde o aparcadoiro da Sardiñeira, no barrio dos Mallos, para rematar na praza de María Pita ás 20.30 horas.

O trazado previsto polo Concello da Coruña contempla que a cabalgata, dinámica, pase pola avenida da Sardiñeira, a rolda de Outeiro, avenida Alcalde Pérez Ardá, rúa Ramón y Cajal, avenida do Exército, avenida de Primo de Rivera, avenida de Linares Rivas, praza de Ourense, Os Cantóns, avenida da Mariña e, finalmente, chegue a Porta Real como paso previo ao punto e final en María Pita, onde haberá control de capacidade nos accesos.

A cabalgata, composta con 15 carrozas, 4 trens e 14 compañías artísticas, estará integrada tamén por 180 figurantes, que suporán o 40% da capacidade total de carrozas e trens. Debido á situación sanitaria provocada pola Covid-19, tanto artistas como figurantes estarán organizados en grupos burbulla. Ademais, todos os participantes deberán contar co certificado Covid-19 correspondente ou pasar, previamente, un test de antíxenos que resulte negativo, para reforzar a prevención fronte aos contaxios.

A alcaldesa, Inés Rey, remarcou o compromiso do Goberno municipal para que as coruñesas e coruñeses poidan gozar da Cabalgata de Reis con normalidade, atendendo sempre ás pautas sanitarias e recomendacións de hixiene marcadas polas autoridades e apelou ao sentido común e responsabilidade dos cidadáns para seguir todas as normas establecidas.

Neste sentido será obrigatorio o mantemento de distancias de seguridade e o uso de máscara en todo momento. As instrucións sanitarias comunicaranse, periodicamente, por megafonía.

O circuíto, con catro espazos accesibles e de atención sanitaria 

Ao longo do percorrido, o Concello da Coruña porá á disposición da cidadanía catro espazos de accesibilidade, repartidos entre a praza de María Pita, ao lado da Autoridade Portuaria (rúa Ambrosio Feijóo), a praza de Ourense e na avenida Alcalde Pérez Ardá, fronte á estación de autobuses. En todos eles ubicaranse tamén espazos de atención sanitaria ante posibles incidencias.

O Pazo Municipal de María Pita acolle a recepción aos Reis Magos 

As pequenas e pequenos coruñeses xa gozaron, desde este luns pola mañá (de 11.00 a 14.00 horas), da presenza dos Reis Magos no Pazo Municipal de María Pita. A recepción das súas Maxestades continuará esta tarde, de 17.00 a 21.00 horas, para o desfrute das rapazas e rapaces, e prolongarase ata este martes, tamén en horario de 11.00 a 14.00, e de 17.00 a 21.00 horas, no Pazo Municipal.