O Festival Mar de Mares celebra a súa décima edición consolidándose como referente na promoción do coidado e o compromiso medioambiental

Décimo aniversario dun evento único pola visión multidisciplinar coa que aborda a divulgación sobre os océanos e que volverá converter A Coruña en capital mundial dos mares entre os días 21 e 24 de setembro

Con estes intensos nove anos por detrás e coa vista posta nos que virán, nesta décima edición o festival aposta polo mar como futuro. Os novos usos do mar, coa entrada das eólicas mariñas, o potencial das cidades costeiras e a situación do océano como motor económico e xerador de emprego, serán algúns dos temas para tratar no novo Foro Mar de Mares.

Baixo o lema “O futuro é mar”, Mar de Mares convida tanto, aos seus fieis seguidores durante o últimos nove anos como a novos públicos de todas as idades a zambullirse de maneira activa en expresións artísticas, propostas culturais, activismo ou gastronomía nun mercado e festa do mar

A Coruña, 7 de xuño de 2023. Coincidindo coa conmemoración do Día Mundial dos Océanos, mañá xoves, 8 de xuño, o Festival Internacional Mar de Mares presenta a súa décima edición, que se celebrará entre os días 21 e 24 de setembro na Coruña co programa máis potente da súa historia. Dez anos no panorama do activismo e a divulgación non se cumpren todos os días, polo que este ano a programación do festival será aínda máis intensa e contará con novas propostas pero sen perder de vista os seus clásicos.

Festival Mar de Mares. Dez anos celebrando o mar

Desde a súa creación no 2014, Mar de Mares traballa por un futuro máis sustentable promovendo a reflexión e convidando á cidadanía a tomar partido polos mares, co obxectivo de celebrar toda a riqueza que nos achegan os océanos e o compromiso coa súa defensa e coidado. Unha das frases máis coñecidas do gran mestre Jacques Cousteau, “Só protéxese o que se quere, só quérese o que se coñece”, foi o motor de inspiración para a creación deste evento pioneiro; co foco posto en dar a coñecer todo o que o mar nos dá cun único obxectivo, aumentar a conciencia cidadá sobre a preservación dos océanos.

Ao longo destes anos, o Festival consolidouse como un espazo de reflexión grazas aos seus completos programas e á participación de referentes mundiais que nos contaxiaron o amor polo mar e regaláronnos marabillosas historias sobre os océanos. Desde o seu comezo, Mar de Mares reuniu na Coruña a preto de 235.000 persoas a través das súas máis de 350 actividades organizadas nas nove edicións anteriores.

Dez anos de grandes nomes pero tamén de memoria, de acción e de traballar en comunidade pero, sobre todo, dez anos coa vista posta nos nosos oceános, para coidalos pero tamén para celebralos. A historia da humanidade é a historia do océano, que marca paisaxes e une culturas.

O Festival Mar de Mares ten sempre posta a mirada no futuro, pero o pasado é tamén unha gran fonte de inspiración e coñecemento imprescindible na nosa travesía, así recuperamos historias da Coruña, rescatamos ás grandes mulleres do noso mar e homenaxeamos a todos aqueles heroes anónimos que loitaron para evitar a súa contaminación.

Durante esta década tamén houbo tempo para pasar á acción. Recollimos case 10 toneladas de lixo dos fondos do mar, praias e cantís da Coruña, acompañamos aos expertos do Instituto Oceanográfico a coñecer a fauna e flora das praias e saber como coidalas, descendemos ás profundidades das rías galegas e viaxamos á Antártida; vivimos a emoción dos rescates en alta mar e bailamos con quenllas e percorremos os mares de todo o mundo. E ademais navegamos pola baía, fixemos surf, natación en augas abertas, kaiak e vela.

Mar de Mares 2023: “O futuro é mar”

Con estes intensos nove anos por detrás e coa vista posta nos que virán, neste décimo aniversario a aposta do festival vai dirixida cara ao mar como futuro. O obxectivo é poñer en valor o gran potencial que ten o océano como motor económico e xerador de emprego, debaterase sobre as grandes posibilidades que teñen as cidades costeiras capaces de recoñecer o ecosistema mariño como un dos seus grandes activos e revisarase a situación dos océanos nun momento no que unha das industrias máis relevantes do momento, a enerxética, está a buscar novos recursos nos mares.

De todo iso falarase nun novo formato que se estreará con motivo do décimo aniversario, “O Foro Mar de Mares” no que se darán cita algúns dos nomes máis relevantes do momento, facendo especial fincapé nos máis novos. Ademais, como sempre, contaremos cunha gran exposición na Mariña onde de novo o océano será protagonista.

E outra das grandes protagonistas será, como en todas as edicións anteriores, A Coruña, cidade atlántica co seu mar inmediato como o gran eixo que engarza a súa historia, progreso, carácter e identidade. Está previsto desenvolver as actividades na contorna do Parrote e noutras localizacións costeiras, no marco dun evento único no mundo polo seu formato e a visión multidisciplinar coa que aborda a divulgación sobre os océanos. Avalado ademais por un sinal de calidade nas súas propostas e contidos en sucesivas edicións, asinados por grandes referentes na divulgación como a Década dos Océanos da ONU, os World Press Photo, National Geographic, a BBC ou o CSIC. Tamén é fundamental o apoio permanente de administracións públicas e iniciativa privada, como o Concello da Coruña, a Deputación Provincial da Coruña, a Xunta de Galicia, Vegalsa-Eroski, Abanca, Signus ou a Cátedra EMALCSA da UDC, entre outros.

Tan infinitas como o mar son as posibilidades e prismas para achegarnos ao fascinante universo dos océanos. Este ano Mar de Mares volve convidar tanto aos seus fieis seguidores durante o últimos nove anos como a novos públicos de todas as idades a zambullirse de maneira activa en expresións artísticas, encontros inspiradores, propostas culturais, activismo ou a gastronomía nun mercado e festa do mar, que volverán converter A Coruña na capital mundial dos océanos durante catro días enchidos de actividades divulgativas e de lecer. Unha celebración do noso pasado, pero sobre todo será un brinde ao futuro do festival e ao futuro do mar.

Read more →

A Coruña acolle por primeira vez en España a exposición das fotografías das expedicións dos exploradores Scott e Shackleton que revelaron ao mundo como era a Antártida de hai un século

Forma parte da programación do IX Festival Mar de Mares e permanecerá aberta na Dársena da Mariña entre o 15 de setembro e o 16 de outubro

As 22 imaxes que se exhibirán na cidade amosan a beleza salvaxe da natureza e as duras condicións que afrontaron os aventureiros británicos no Polo Sur e foron tomadas por Herbert Ponting e Frank Hurley, dous dos mellores fotógrafos da época

Ademais desta exposición, o programa do festival inclúe moitas outras propostas, todas de balde, como encontros inspiradores, actividades en familia, navegación baixo as estrelas, ecoturismo, música, activismo e o Mercado e Festa do Mar

A Coruña, 9 de setembro de 2022. O Festival Mar de Mares trae á Coruña a exposición “Un lugar frío e solitario. as viaxes de Scott & Shackleton ao Polo Sur”, que reúne as fotografías das expedicións á Antártida levadas a cabo polos exploradores británicos Robert Falcon Scott, en 1912, e Ernest Shackleton, en 1915. A mostra, formada por 22 imaxes que hai un século revelaron ao mundo como era a rexión máis fría do planeta, estará instalada na Dársena da Mariña entre o xoves 15 de setembro e o vindeiro 16 de outubro. Trátase dunha das propostas máis chamativas do festival que este año ha puesto el foco en el océano como escenario de grandes aventuras y que , baixo o lema Colle a onda, busca celebrar a grandeza que atesouran os mares e concienciar sobre a urxente necesidade de preservalos.

A exposición que aterra na Coruña, que se convertirá durante uns días na capital mundial do océano, constitúe un relato visual fascinante, tanto pola maxestuosa e salvaxe beleza das fotografías como pola dureza extrema (non hai que olvidar que a temperatura media anual na Antártida é de -55 grados), a audacia e as extraordinarias historias que reflicten. Scott logrou alcanzar o Polo Sur, aínda que semanas despois do noruegués Amundsen, e morreu conxelado na viaxe de volta xunto aos catro homes que o acompañaban. A expedición de Shackleton, pola súa banda, non conseguiu chegar ao seu destino: quedaron atrapados no xeo a bordo do seu barco, o Endurance (atopado baixo o mar de Weddell este mesmo ano), e tiveron que sobrevivir durante meses ao frío glacial e á falta de comida.

A serie fotográfica da viaxe sen retorno de Scott é obra de Herbert Pointing, mentres que as imaxes da travesía de Shackleton foron tomadas por Frank Hurley, que, como o resto da tripulación, foi contratado tras ler un anuncio en The Times que buscaba “homes para viaxe perigosa, soldo escaso, frío extremo, longos meses de completa escuridade, perigo constante” e que non aseguraba o regreso, aínda que si “honor e recoñecemento en caso de éxito”. Tanto Hurley como Pointing foron dous dos mellores fotógrafos da época.

Xunto a esta exposición, Mar de Mares inclúe no programa deste ano moitas outras propostas divulgativas e de lecer, todas elas de balde, e que se concentrarán, sobre todo, entre os días 15 e 18 de setembro. O festival dos océanos ten preparados encontros inspiradores coa e exploradora galega Chus Lago e coa oceanóloga catalana e especialista en tiburóns Gador Muntaner, así como unha homenaxe aos activistas do Xurelo, que hai 40 anos lograron frear o verquido de bidóns radiactivos na Fosa Atlántica e cambiaron a mentalidade da cidadanía e tamén a lexislación sobre a contaminación no mar. Ademais, se desenvolverán actividades de ecoturismo, a III Gran Limpeza de Fondos Mariños na contorna do Castelo de San Antón, outra limpeza desde as alturas nos coídos de Punta Herminia, proxeccións de cine ou unha saída para navegar baixo as estrelas. Tamén regresa o Mercado e Festa do Mar na explanada do Parrote, con showcookings a cargo de grandes chefs galegos, obradoiros, postos de artesanía e varios concertos.

Sobre o Festival Internacional Mar de Mares

Desde a súa creación, Mar de Mares traballa por un futuro máis sostible promovendo a reflexión e invitando á cidadanía a tomar partido polos mares, co obxectivo de celebrar toda a riqueza que nos aportan os océanos e compartir o compromiso coa súa defensa e coidado. Ao longo destes anos, o festival consolidouse como un espazo de concienciación e activismo grazas aos seus completos programas e á participación de referentes mundiais que nos contaxiaron o amor polo mar e regaláronnos marabillosas historias sobre o océano.

Desde o seu comezo, Mar de Mares reuniu na Coruña a preto de 200.000 persoas a través das súas máis de 250 actividades organizadas nas oito edicións anteriores. Un fito para a cidade da Coruña que é posible grazas ao apoio de institucións públicas e privadas, así como de numerosas entidades que traballan no ámbito mariño. Entre os colaboradores do festival están o Concello da Coruña, a Deputación da Coruña, a Xunta de Galicia, Estrella Galicia, Cabreiroá, Vegalsa, Cátedra Emalcsa- UDC, Signus, Ecovidrio e Abanca. Este ano, ademais, o Festival conta co selo da Década dos Océanos de Nacións Unidas.

Read more →