%20en%20Threads3.png){kind=small}
A Súa Maxestade visitará o venres 28 de febreiro as instalacións do Centro
Ágora ao longo dunha xornada que culminará co acto de nomeamento das
gañadoras e gañadores da categoría social 2020
A cidade será a segunda parada da xira anual na que se anunciarán os cinco
mozas e mozos que destacan polo seu compromiso social e a súa traxectoria
A Coruña, 20 de febreiro de 2020.- O concello colaborará no acto presidido pola
raíña dona Letizia o vindeiro venres 28 de febreiro no Centro Ágora, en que se
proclamará o Premio Fundación Princesa de Girona na categoría social 2020. A
cidade será a segunda parada da xira anual na que se anunciarán os cinco novos
mozos e mozas que destacan polo seu compromiso social e a súa traxectoria.
A Súa Maxestade visitará as diferentes actividades que se organizarán ao longo da
mañá e que culminarán co veredicto das distincións, a partir das 12.30 horas. Logo
de que se reúna un xurado formado por persoas expertas para deliberar as e os
gañadores, terá lugar o nomeamento, en que participarán ademais das/os
premiadas/os da fundación, o xornalista e humorista Juan Carlos Ortega e o
emprendedor Xavier Verdaguer, entre outras persoas. Antes, organizarase no
vestíbulo do edificio unha actividade paralela, en que 250 estudantes da
comunidade traballarán en equipo para resolver o reto “Só na casa: ideas para previr a soidade das persoas maiores”. Galicia participa por segundo ano
consecutivo na xira de proclamacións da Fundación, despois de que Santiago de
Compostela fose escenario o ano pasado do anuncio do Premio Investigación
Científica en 2019.
