A praia do Matadoiro pechará mañá de 11.00 a 17.00 horas para a hixienización e mantemento da area

Estes traballos estanse levando a cabo en todas as praias municipais con bandeira azul, para que estean en perfecto estado para o desfrute da cidadanía 

A Coruña, 28 de maio de 2020.- A Concellería de Medio Ambiente e Sustentabilidade informa de que a praia do Matadoiro permanecerá pechada mañá desde as 11.00 até as 17.00 h para a realización labores de hixienización e achaiamento da area. Estes traballos estanse levando a cabo en todas as praias municipais con bandeira azul, co fin de poñelas en perfecto estado para o desfrute da veciñanza. 

A Coruña conta con cinco praias que posúen este distintivo outorgado pola Fundación Europea de Educación Ambiental: Riazor, Orzán-Matadoiro, Santo Amaro, As Lapas e Oza.