A Universidade da Coruña abre un período extraordinario de matrícula para as últimas vacantes

A taxa de ocupación das aulas da UDC ascende ao 95%

A Coruña, 2 de setembro de 2021.- A Universidade da Coruña vén de abrir un período extraordinario de matrícula ata o 16 de setembro para os graos que aínda teñen prazas vacantes.

Ata o momento, a Universidade da Coruña ten unha taxa de ocupación do 95%. O total de prazas ofertadas para novo alumnado de grao é de 3.202. 

As titulacións con asentos libres son as seguintes:

Campus da Coruña

Enxeñaría de Obras Públicas, 14

Máquinas Navais, 18

Arquitectura Técnica, 7

Galego e Portugués: Estudos Lingüísticos e Literarios, 29

Inglés: Estudos Lingüísticos e Literarios, 17

Campus de Ferrol

Enxeñaría Eléctrica, 26

Enxeñaría en Tecnoloxías Industriais, 8

Relacións Laborais e Recursos Humanos, 11

Enxeñaría Naval e Oceánica, 7

Xestión Dixital de Información e Documentación, 29

A matrícula farase de forma presencial nas administracións dos centros en que se imparta a titulación desde hoxe ata o 16 de setembro, inclusive.