%20en%20Threads3.png){kind=small}
O obxectivo é concienciar ao alumnado de secundaria de que as firmas e
pintadas nas fachadas e no mobiliario urbano non constitúen ningún tipo
de arte urbana senón un acto de vandalismo
A Coruña, 9 de febreiro de 2020.- O día 11 de febreiro comezan as charlas
educativas “Coida a túa cidade”, dirixidas ao alumnado de centros educativos de
educación secundaria, bacharelato e formación profesional. As charlas son
impartidas por membros da Patrulla Verde da Policía Local e por peritos grafólogos
expertos en materia de grafiti vandálico que tentan concienciar á mocidade de que
as firmas e pintadas nas fachadas e no mobiliario urbano non constitúen ningún tipo
de arte urbana nin de demostración de protesta xuvenil senón sinxelamente un acto
de vandalismo que ensucia e afea a nosa cidade, e que ademais son actos
susceptibles de sanción administrativa. Nas conferencias tamén se lles informa de
que a cidade é un espazo para o goce de todos e todas e que debe ser compromiso
de todas as persoas o mantela en perfectas condicións.
Desde a Concellería de Medio Ambiente e Sustentabilidade informan que para o
mes de marzo hai previstas varias charlas, sen datas confirmadas polo de agora, no
colexio Santa María del Mar, no IES Elviña e, de novo, no Fernando Wirtz. Ademais,
nos meses de abril e maio prevese realizar nalgúns destes centros educativos
talleres formativos para o alumnado.
