-Non se permitirán lumeiradas nin concentración de xente en lugares públicos na
noite de San Xoan.
Sada, 8 xuño 2020.
Sada precintará as praias na noite do 23 de xuño e anuncia que tampouco se poderán utilizar
os espazos públicos para realizar fogueiras ou concentracións lúdicas para así evitar calquera
tipo de rebrote polo coronavirus
Deste xeito non haberá San Xoan nas praias, nin concentracións de xente nos areais xa que
estas estarán precintadas e por outra banda non se poderán utilizar espazos públicos para
celebracións dita noite.
Desde o Concello de Sada salientan que a pandemia non rematou a pesar de que se estean
rexistrando unhas cifras alentadoras e por iso non é momento de relaxarse nas medidas con
eventos que poidan reunir centos de persoas.
Non só non se celebrarán as fogueiras de San Xoan de forma oficial este ano, tampouco de
forma oficiosa. O Concello de Sada non programará ningunha actividade lúdica nas festas de
San Xoan por responsabilidade e en cumprimento da normativa e recomendacións sanitarias.