%20en%20Threads3.png){kind=small}
A cinta, baseada nas gravacións que realizou Sydney Pollack durante dous días de concerto de Aretha Franklin, viu por fin a luz grazas ao empeño de Alan Elliot
Amazing Grace é o título do documental en honor ao disco máis vendido de Franklin e xurdido dese concerto na New Temple Missionary Baptist Church en Watts
05.10.2020.
A Sede Afundación A Coruña acollerá o xoves 8 de outubro, ás 20.00 h, a
proxección de Amazing Grace, un documental codirixido por Sydney Pollack e Alan
Elliot no que se retratan dous días dun dos concertos máis emblemáticos de Aretha
Franklin en 1972. Enmarcada no festival «Elas son artistas», desenvolvido na cidade da
Coruña e localidades próximas, esta proxección contribúe a destacar o papel das
mulleres na creación artística. As invitacións para poder asistir á proxección de
Amazing Grace están xa dispoñibles en Ataquilla.com.
O tráiler da película pódese ver aquí.
En xaneiro de 1972 Aretha Franklin actuou na New Temple Missionary Baptist Church
en Watts, Los Angeles, nun concerto de dous días de duración e que daría lugar ao seu
disco máis vendido, Amazing Grace. O director Sydney Pollack encabezou entón o
equipo de gravación deste evento, cuxo material acabou por non ser utilizado e
esquecido en fondos de arquivo. O empeño de Alan Elliot para dar con toda a metraxe
contou co apoio de Pollack e, finalmente, unha vez localizado, Amazing Grace viu a luz
en 2008 coa codirección de ambos os realizadores.
