%20en%20Threads3.png){kind=small}
Imaxe: Deseño de Marina Holguín & Simón Míguez
A canción poderase escoitar en distintas plataformas dixitais como You Tube e
Soundcloud a partir do vindeiro luns, 17 de maio
● As bases electrónicas sobre as que Granha rescata a voz da poeta recitando
mesturanse con fragmentos musicalizados do poema Luz no delirio nos que
cobra protagonismo a voz de Amparo Malo
● O resultado é unha canción de tintes orgánicos onde o bombeo dun corazón,
sempre presente, transporta á persoa que escoita nunha viaxe cara a terras
galegas desde unha perspectiva vangardista
A Coruña, 15 de maio de 2021.-
O vindeiro luns, 17 de maio, a cantante e actriz Amparo Malo, en
colaboración co produtor musical Granha, estrea Luz no delirio, unha canción elaborada desde a
admiración en homenaxe a Xela Arias, a poetisa á que se lle adica este ano o Día das Letras Galegas.
Trátase dunha composición sobre unha base electrónica cunha melodía creada por Amparo Malo
empregando como letra o poema homónimo da homenaxeada, Luz no delirio. O resultado é un tema
que mestura a electrónica co folclore galego a través da presencia marcada dun latido que representa
o son do corazón de Xela Arias, falecida no ano 2003 dun paro cardíaco.
En palabras de Amparo Malo “Foi un proceso moi bonito no que levamos traballando semanas.
Colaboramos primeiro na distancia compartindo os bocetos grazas ás tecnoloxías que hoxe en día
nolo permiten e onte mesmo rematamos a masterización no estudio”.
Amparo Malo
Amparo Malo é cantante, ademáis de actriz e bailarina. Tras a súa aparencia doce agóchase unha
profesional camaleónica, chea de matices que emana, case sen querer, ese carisma que teñen as
persoas auténticas.
Galega de sangre andaluza, vive entre A Coruña e Madrid, e antes da pandemia repartía o seu tempo
sobre todo entre o teatro e as actuacións como cantante de flamenco e boleros. Agora, mentres o
sector cultural vaise recuperando, ela está concentrada nos seus novos proxectos.
Ademáis de ter participado en videoclips, filmes e series (Perdida, Lo mejor de ti, Centro Médico
-TVE-, etc ... ), xirou por toda a península a través da Red Española de Teatros con “Reconto de danos”
un espectáculo multidisciplinar -teatro, danza, cabaret e performance- polo que estivo nomeada á
Mellor Actriz Revelación 2018 nos premios da Unión de actores de Madrid.
Granha
Granha, produtor galego con base en Barcelona, plasma en cada unha das súas creacións as súas
raíces. Gaitas celtas, sons do Atlántico e pandeiretas galegas mestúranse coa música electrónica co
fin de aportar a súa visión persoal do folclore galego achegándoo ao ambiente dos Clubes.
Fusionando a música tradicional coa electrónica actual, a súa música evoca desde os vastos campos
verdes da Galicia máis profunda ata á forza do mar da Costa da Morte.
